S i l i u s  f a r c i m i n i s

Znamię odmiany i niesprawiedliwości zadość się staje*

________________________

Część I

A L O J Z 

Kaj burze bijom i pierom się gorole

na pograniczu hadesu, kresu istnienio

kaj to niy mają sztućców na stole

Kaj to brynica złośliwie się spienio:

Widziołch jo dziwy złe i łokropne

cowieki jak niymce godali bez synsu

ginyli w ancugach łoni bezpowrotnie

za nic mieli nosz ród hanysów!

C H Ó R

Kaj burze bijom i pierom się gorole

na pograniczu hadesu, kresu istnienio

kaj to niy mają sztućców na stole

Kaj to brynica złośliwie się spienio

A L O J Z 

Godali pokryntnie na pewno nom zguba

ciule łokropne i cwane pierony

pozawiyrali kożdo tam gruba

żeby mógł łostać gorol spełniony

J O R G 

Godej no li pryndko ło co ci chodzi

bo jus żech jest stary i gupi

straszny mi łobroz myśl ta przywodzi

ale pryndko, bo szwaja mi fest dupi

(boch z gruby, co ją tak miłujes,

przyjechoł, co się tak dziwujes?)

C H Ó R

Bo łon z gruby, co ją tak miłujes,

przyjechoł, co się tak dziwujes!

A L O J Z

Łokropny to swąd, prziznom ci racja

ale na to już nic niy zrobiysz

jak łokropno i wężowo to nacja

zaro jak ci powiym, się dowiysz: 

Ida jo do sklepu, kupić se flaszecka

sklep richtig fajny, no i wybór srogi

no i ekspediyntka piykno miała kiecka!

Jak niy zajdzie tyn policaj mi drogi ...

pieron gizd łokropny, wężowy potomek

pado mi: "Pan jest bardzo pijany,

Niedostępny pozostanie trunek!"

Co za gizdy, co za chamy!

C H Ó R 

Poszoł łon do sklepu, kupić se flaszecka

sklep richtig fajny, no i wybór srogi

no i ekspediyntka piykno miała kiecka!

Jak niy zajdzie tyn policaj mu drogi ...

J O R G

Bijom, pożar, tragedyja, co ty godosz!

Dyć my ino po jedny ćwiareczce

Nic niy zrobisz, choby tam som farorz

świyntom wodą łobmuł twoje rynce

A L O J Z 

Toć to nic jesce, chopie, królu złoty

piana z gymby bije mu łokropnie

cy to ludzie, cy jus behemoty

myślołch nad tym dość sromotnie!

No to padom tak do niego pryndko,

kierowniku, policaju, drogi panie

a łon choby ze moplika dyntkom

buł i, dup, zaczimoł swoje łoddychanie

C H Ó R 

No to padom tak do niego pryndko,

kierowniku, policaju, drogi panie

a łon choby ze moplika dyntkom

buł i, dup, zaczimoł swoje łoddychanie

A L O J Z 

I tyn notes w swoje szpony demoniczne biere

i wypisuje dup z górny półki kary

Jo se myśla: "Chopie drogi, na dekiel ci piere?"

cy to jesce widno, cy to nocne som mary? 

Pacza a tam fortuna z kabzi mi ucieko

ciynżko na sercu powoli sie robi,

w nogach, kule bele, jakoś mi tak leko

a serce jak wali, jak łokropnie zgobi!

C H Ó R

I tyn notes w swoje szpony demoniczne biere

i wypisuje dup z górny półki kary

Jo se myśla: "Chopie drogi, na dekiel ci piere?"

cy to jesce widno, cy to nocne som mary? 

* Jedyny zachowany przekład dzieła Hanystotelesa, podzielony został na kilka części.